На самиот старт од Првата кошаркарска лига на Македонија, ждрепката посака да има градско дерби меѓу двата струмички клуба „Струмица Ролинг“ и „Струмица ФМП“ кое се одигра во спортската сала Парк. Првото дерби му припадна на Струмица ФМП кој со 80:49 го доби градскиот ривал Струмица Ролинг на нивен терен.
Ролинг стартуваше одлично. Момците на Гонев и Цикарски имаа контрола на резултатот во првиот период кој го добија со поен предност (20:19) но како да немаа сили за продолжението. Вториот период кошаркарите на Зетов и Христов направија резултатски пресврт и ја добија втората четвртина со (11:16) и заминаа со предност од 4 поени на полувреме.
Во второто полувреме се очекуваше да продолжи неизвесноста под кошевите на двата струмички второлгиаши. Но место тоа доминација на Струмица ФМП кој со третиот период го доби со 10 поени предност (14:24) додека во финишто домаќините Струмица Ролинг постигна само скромни 4 а гостите ФМП 21 поени за конечни 49:80 во корист на момците на Златко Зетов и Ики Христов.
Во победничкиот табор Александровски со 23, и Пандев со 20.поени беа најефикасни. Во листата на стрелци се запишаа и Шајкаров и Јовановиќ со по 8 поени а тука беа и Исајлоски, Серафимовски, Пипервалиев Пандев и Јоциќ. Кај домашниот Ролинг Мицев беше двоцифрен со 13 и Алексиќ со 8 поени. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
