Советот на општина Струмица даде зелено светло за реализација на проектот ,,Мрежа на велосипедски градови’’ кои кој ќе се финансира од Програмата за прекугранична соработка со Грција. Станува збор за прекуграничен проект помеѓу општина Струмица и општина Серес во висина од 184 875 евра од кои 85 одсто од вредноста на проектот ќе се финансира од фондовите на ЕУ додека останатите 15 % ќе бидат финансирани од Владата
Како што објави Општина Струмица проектот има за цел создавање на рекреативна велосипедска инфраструктура во градот и ги содржи следните активности:
-Вело Зона Градски парк Струмица – изградба на велосипедска адреналинска патека („Pump track“ патека)
-Вело Полигон за деца – Градски парк Струмица
-Уредување на планински велосипедски патеки на месноста Чам Чифлик
-Поставување на Станици за поправка на велосипеди во Градски парк
-Подготовка на мастер-план за идни проекти на општина Струмица од областа на велосипедизмот, велосипедската инфраструктура и безбедноста во сообраќајот
-Активности за прекугранична соработка помеѓу проектните партнери
Овој проект треба да се реализира за 18 месеци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
