Екипата на Струмица славеше против Капошвар од Унгарија со 3:0 во сетови во Купот на ЦЕВ и најави дека нема да биде обичен статист во оваа натпреварување. Победата на струмичани во ниту еден момент не беше доведена во прашање. Избраниците на Кире Ричлиев беа доминантни и убедливи во сите три сета на теренот во салата Парк.
Првиот сет го добија со 25:19, вториот со 25:23 а третиот во кој заиграа и подмладокот со 25;19. Најдобар поентер кај македонскиот тим беше Никола Ѓорѓиев со вкупно 18 постигнати поени, пред Александар Љафтов со 11 поени, додека Маџунков и Милев имаа по осум поени.
Во Унгарија момците на Ричлиев треба да освојат два сета па да се пласираат во следната фаза од ЦЕВ Купот каде противник ќе биде турски Галатасарај. Реваншот меѓу Струмица и Капошвар ќе се игра во „Капошвар Арена“ ќе се игра на 16. октомври од 18:00 часот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
