Струмица утре празнува, струмичани го слават Денот на заштитниците на градот, Светите Петнаесет Тивериополски Свештеномаченици.
По тој повод, денеска (вторник, 10 декември), во 16:00 часот во Црквата „Свети Петнаесет“ во Струмица ќе се одржи Вечерна Богослужба, а во 18:00 часот во Манастирот „Свети Леонтиј“ во Водоча ќе се одржи Свечена академија.
Утре (среда, 11 декември) од 08:30 часот во Црквата што го носи името на заштитниците на градот Струмица, ќе се одржи Света Божествена литургија.
Свечената седница на Советот на општина Струмица ќе започне во 11:00 часот во НУЦК „Антон Панов“, на која ќе бидат доделени и традиционалните Годишни награди и Наградата за животно дело „Свети Петнаесет Тивериополски Свештеномаченици“ на општина Струмица за 2024 година.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
