Деновиве централното градско подрачје на Струмица почнува да добива новогодишен изглед. На булеварите веќе се поставени декоративни светлосни елементи а палмите се обложени со светилки. Работите на терен ги работи фирмата ЛИНК МЕДИА ПЛУС ДООЕЛ увоз-извоз Скопје која на распишаниот тендер на ЈП Паркиралишта се јави за новогодишно украсување.
Според техничката спецификација, на распишаната јавна набавка треба да бидат украсени влезот на Струмица од кај Радовиш – булевар Ленинова до хотел Централ, потоа булеварот Маршал Тито, старата чаршија, потегот од хотелот Централ до општинската зграда која исто така треба да биде осветлена и паркот до неа но и потегот од Собранието до големиот градски парк како и плоштадот и влезовите на подземната гаража.
На плоштадот треба да биде подигната 20 метарска елка од метална конструкција со вештачко зеленило и лед светилки а ќе има и светлосно небо со сијалички на плоштадот каде сите канделабри но и борчиња и грмушки ќе бидат обложени со светилки а ќе бидат поставени и декоративни елементи.
На распишната јавна набавка, во техничката спецификација поконкретно се наведени сите локации во Струмица но и какви се светлосни елементи ќе бидат поставени на истите, за време на Новогодишно Божиќните празници.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
