Одбојкарите на Струмица претрпеа веројатно очекуван и висок пораз од Динамо Букурешт во три сета (0-3) во првото квалификациско коло за Лигата на шампионите на ЦЕВ.
Македонскиот првак во четвртото учество во низа на ова натпреварување гледа кон елиминација, откако ждрепката воопшто не го посака и налетаа на романскиот гигант. Динамо во Скопје го доби мечот во три сета, меѓутоа мора да се нагласи дека во нив струмичани пружија солиден отпор.
Првиот сет беше најубедлив и Динамо го доби со 18-25. Потоа во вториот Струмица беше најблизу, но го загуби со 20-25, и за крај во третиот Романците со 19-25 го затворија мечот.
Реваншот во Букурешт се игра на 28 октомври во терминот од 18:00 часот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
