За неполни 20 дена, Струмица по трет пат од Министерството за животна средина добива мерки да се заштитат струмичани од екстремно загадениот воздух но и препораки како да се подобри квалитетот на амбиенталниот возух. Вчера и завчера државната мерна станица покажа над 150 микрограми на метар кубен просечни дневни вредности на штетните ПМ 10 честичк, што беше доволно Министерството да алармира. Аерозагадувањето е најизразено во вечерните часови кога пиковите достигнуваат и над 400 микрграми ПМ 10 честтички на метар кубен.
СОГЛАСНО НАСТАНАТАТА СОСТОЈБА, ЗА СТРУМИЦА ВАЖАТ СЛЕДНИТЕ МЕРКИ:
- Да се интензивираат вонредните инспекциски надзори на инсталациите со А-Интегрирана еколошка дозвола
- Да се интензивираат вонредните инспекциски надзори на терен за контрола на инсталациите со Б-Интегрирани еколошки дозволи и Елаборати
- Инсталациите со континуиран мониторинг да овозможат јавен пристап на измерените податоци
- Да се интензивираат вонредните контроли на техничката исправност на возилата, особено оние со дизел горива и нерегистрирани возила
- Да се интензивираат вонредните контроли на градилиштата
- Забрана на горење на отворено
- Се препорачува на сите правни субјекти (работодавци) да ги ослободат од работни обврски бремените жени, лицата постари од 60 години, како и лицата со хронична астма, прележан миокарден инфаркт или мозочен удар, без разлика на возраста, со препорака на матичен лекар
- Се препорачува на сите правни субјекти (работодавци) да го реорганизираат работното време и лицата кои работат на отворено да работат од 11.00 до 17.00 часот
- Се препорачува да не се организираат спортски натпревари и други културни манифестации на отворено.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
