Во сабота на 1 ви февруари по струмичките улици ќе има протестен марш со кој граѓаните ќе го изразат своето незадоволство од упорното нерешавање на проблемот со аерозагадувањето поради кое Струмица е седми најзагаден град во Европа. Како што објавија од Здрава Котлина протестот ќе започне од 11 часот кај големиот градски парк кај Домот на АРМ. Ќе се продолжи по улицата 24 ти Октомври кон Болницата од таму по Младинска до кружниот тек кај Мавровка па по булеварот Гоце Делчев кај кружниот тек кај поштата па се продолжува кон Глобал од каде по булевар Ленинова ќе заврши пред општинската зграда кај канцелариите на инспекциските служби.
,, Ќе ги посочиме нештата што мора да се променат и во името на сите вас ќе искажеме конкретни и прецизни мерки од кои ќе нема отстапување. Пресудно е да се врши јавен притисок и тоа е најефективно во отсуство на резултати кои со години ги чекаме да ситигнат. Она што досега добивме се полни болници и жални вести. Струмица не смее да остане 7ми најзагаден град во Европа и токму тоа зависи од сите нас!“ стои во објавата на Здрава котлина од каде апелриаат дека протестот е исклучиво граѓански.
Од средината на декември досега Струмица четри пати беше во ,,црвената зона“ со надминат праг на алармирање на аерозагадување при што Министерството за животна средина издава препораки до институциите за да се заштитат граѓаните од штетните ПМ честички. За еко активистите сомнително е што Струмица е и со највисоки концентрации и на сулфур диоксид.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
