Струмица ја одбележа 20 годишнината од смртта на загинатиот претседател Борис Трајковски. Членови на неговото семејство, пријатели, претставници на локалната и централната власт, политички партии и здруженија на граѓани, положија свежо цвеќе пред споменикот „Македонија“ подигнат во негова чест
,, Годините минуваат, но споменот за претседателот Трајковски ќе остане да живее и понатаму, уште многу пати по 20 години. Вечен ќе биде тој спомен, не само за генерациите кои се негови современици, туку и за сите идни македонски поколенија кои ќе слушаат и читаат историски вистини за бесмртниот македонски претседател“, рече Костадинов.
Во рамките на одбележувањето на годишнината од смртта на претседателот Трајковски, рецитатори од Домот за деца и млади „Благој Мучето“ од Струмица рецитираа пригодна поезија, а Унијата на жени при ОК ВМРО – ДПМНЕ Струмица традиционално засади дрвце во Градскиот парк во Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
