Студеното време не ја растури карневалската магија по улиците на Струмица каде околу илјада учесници ги презентираа своите креации упатувајки разновидни пораки преку своите костими, маски, настапи. Цели четири часа траеше дефилето во кое струмичани доминираа со своите маски и огромни возила кои наликуваа на оние во Рио. Секој со своја енергија, приказна, импозантност во музичко сценските точки.
Ликови од митологијата, сегашноста – разиграни танчерки, каубојки, приказни од македонското минато, предизвици на сегашноста, потоа пораки за заштита на природата, животните беа дел од мотивите на маските кои се работеа изминатите месеци во Струмица
Карневалот во Струмица го следеа илјадници посетители од земјава и странство а како новитет беше отворената карневалска забава под маски со Кирил Џајковски
,,Мислам дека докажавме дека Струмичкиот карневал е македонски бренд . Струмичани потврдија дека се верни на традиција и на маскирањето. Презентираа одлични маски за што сведочат комплиментите од преставниците на Европската асоцијација на карневалски градови“, кажа Танкица Стојанова од организациониот одбор
Годианва на каренвалот во Струмица учествува 40 тина групни и поединечни маски од земјава но и од Србија, Хрватска, Црна Гора и Бугарија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
