Градот Струмица со Хидротермалниот медицински центар Цар Самуил Бања Банско се на прагот за влез во мрежата на EHTTA ( „European route of historical thermal towns ) што ќе придонесе за поголема промоција на Бања Банско и Струмица на европската сцена. Ова го соопшти директорката на Агенцијата за поддршка и промоција на туризмот Билјана Стефановска која оставари средба со управата на центарот Цар Самуил Бања Бансо во насока да се инвестира и зачуваат локалитетите ,,Римски терми“ и ,,Турска бања“ како доказ дека со векови се користела термалната вода на овие простори за лекување и уживање на гостите и посетителите.
,, Вклучувањето во оваа и слични вакви европски мрежи од страна на различни субјекти кои се дел од културата и туризмот е важно заради зголемување на видливоста и промоцијата на потенцијалите кои ги има нашата држава, како не толку откриена туристичка дестинација, а се во насока на туристичко брендирање на државата и регионите. Земјата треба да се етаблира како бренд дестинација, а во тоа ќе мора да се инвестира и интензивно да се работи“ подвлече Стефаноска.
Хидротермалниот медицински центар „Цар Самуил-Бања Банско“ е подготвен да обезбеди средства и поддршка за комплетна реставрација на ,,Турската бања„ со цел да се сочува ова наследство и заедно со Римските терми бидат показ на посетителите. На тоа ќе работат во наредниот период бидејки свесни се дека инвестицијата во културното наследство може да донесе бенефит не само за средината туку и за државата.
,, Ние имаме цел со инвестиција да додадеме вредност на секој сектор-прво на околината и второ на гости и клиенти кои ќе го посетат нашиот објект. Сакаме да го зголемиме капацитетот не само за пари, туку ќе враќаме на нашите гости со здравство, очекувања и да бидеме на највисоко ниво, не само за нас туку и за целата државата и да бидеме пример за останатите бизнисмени дека вложуваме во средината“, рече Теодорос Константакос, генерален директор на хотелот „Цар Цамуил“
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
