Во изминатата недела во Струмица е забележан значителен раст на бројот на заболени од грип, што ја става општината меѓу петте најпогодени во земјава. Според официјалните податоци, во Струмица има 174 нови случаи, додека најголем број заразени се регистрирани во Скопје, над 600, а по него следуваат Куманово, Битола и Тетово.
Но имајки ги во предвид претходните недели може да се констатира дека заболените од грип се намалува. Во 7 та недела во ЦЈЗ Струмица имаше 220 заболени а во 6 недела од ова година беа регистрирани 330 заболени од грип.
Од почетокот на сезоната, бројот на заболени од грип во Македонија надмина 17.000, што е 36 проценти повеќе во споредба со минатата сезона. Досега се потврдени три смртни случаи, а здравствените власти апелираат до граѓаните да бидат претпазливи, да носат заштита и доколку е можно, да се вакцинираат против грипот.
Лекарите советуваат засилена хигиена, избегнување на затворени простории со голем број луѓе и консултација со лекар при појава на првите симптоми. Граѓаните на Струмица се повикуваат да внимаваат на своето здравје и да преземат мерки за превенција, со цел спречување на натамошно ширење на вирусот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
