Градоначалниците на Струмица и Лесковац од Србија Костадин Костадинов и Горан Цветановиќ, денеска потпишаа Меморандум за збратимување. Карневалските традиции и спортот ги споија двата града, а сега соработката се проширува во повеќе области како и размената на искуства и позитивни практики во функционирањето на локалните самоуправи.
,,Лесковац е пример како да се намали невработеноста и како да се постигне економски раст за релативно кратко време. Имајки ја предвид ситуацијата во Лесковац а правјеки анализи овде, сметам дека е вистинска можност за нашите локални компании да во прва следна прилика бидат гости на Лесковац за да разменат искуства со компаниите од ова општина,,кажа Костадинов
Градоначалникот на Лесковац Горан Цветановиќ, потенцираше дека по неколку годишната врска меѓу Струмица и Лесковац во спортот и карневалот, се појавиле нови конекции и заеднички интереси за соработка и во други области.
,,Мислам дека како луѓе созреавме и тие наши лични амбиции и лично почитување да ги преточиме во заедничко почитување на граѓаните на Струмица и Лесковац, имаме што да научиме едни од други, имаме со што да си помогнеме и посебно кога конекциите ни се кон ЕУ можеме да имаме заеднички проекти со кои ќе можеме животот на граѓаните да го дигнеме на повисоко ниво, рече градоначалникот Цветановиќ.
Градоначалникот Цветановиќ и неговиот тим ќе бидат меѓу гостите на главната интернационална карневалска поворка којашто ќе се одржи на 16 март во Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
