Општина Струмица и бугарската Крџали во иднина ќе соработуваат на повеќе полиња откако градоначалниците на овие две локални самоуправи Костадин Костадинов и Хасан Азис потпишаа меморандум за збратимување на двете општини. Основна цел како што објавија градоначалниците ќе биде зближување на жителите од двете страни со можност да соработуваат во областа на економијата, културата и образованието.
,,Овој чекор е пример како во пракса се гради и развива добрососедството – преку кооперативност, труд, работа и пред се-доверба, нешто кое денес безрезервно го демонстриравме. Уверен сум дека долгогодишните политики и практики на општина Струмица во соработката со општини од Бугарија базирани токму на овие принципи и понатаму ќе продолжат да резултираат со успех. Доказ за тоа се и досега успешно реализираните, голем број европски проекти, направени за доброто на сите граѓани, независно од која страна на границата живеат, стои во објавата на Костадинов.
,,Подобрувањето на контактите во различни области – политички, економски и културен живот меѓу двете општини би ни дало можност за размена на добри практики и успешно партнерство во различни проекти финансирани од ЕУ и други фондови,, стои во објавата на градоначалникот на Крџали Хаса Азис
Градоначалникот на Струмица Костадин Костадинов во општина Крџали е со претседателот на Советот Марјан Даскаловски, секретарот Александар Оџаков и советникот Александар Ненчев. Како гости на градоначалникот на Крџали тие ги посетија Астрономската опсерваторија „Славеј Златев“, паркот Простор каде беше презентирана приказната за МИГ 21 и бугарските воени пилоти, развојниот парк „Арпезос Север“ со импресивниот пешачки мост „Пеперутка“ како и стадионот Арена Арда.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
