Одбојкарките на Струмица Жени се пласираа во полуфиналето од Купот откако и во реванш мечот од четвртфиналето славеа победа против УГД од Штип со 3:1 во сетови. Противникот во полуфиналето ќе се знае до крајот на неделава кога треба да бидат одиграни уште два меча од ова фаза на Купот
Струмичанки одлично го почнаа мечот. Сервисот им беше најмоќното оружје на кој никако не можеше да се снајде штипскиот состав. Двата сета ги добија со 25:10 и 25:13. Стратегот Милев во вториот сет шанса им даде и на помладите кои се носеа одлично но во третиот сет потфрлија кој го загубија со 25:15. Во четвртио сет со првиот тим Струмица Жени стави крај на мечот во своја корист
На крајот од мечот во знак на благодарност, одбојкарките на Струмица Жени, победата и ја посветија на Стефани Станковска која заради заминување во Германија го одигра последниот меч за тимот. Од претседателката на клубот Јасмина Пандева доби подарок уметничка слика со фотографии од клубот, одбојкарките и нивното дружење Стефани насловена како ,,Семејство’’ а подароци доби и од своите соиграчки. За време на мечот стоеше и транспарент ,,Стефи те сакаме’’
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
