Одбојкарите на ,,Струмица Жени’’ славеа победа на гостувањето во Тетово кај ,,Бами Кор’’ и како третопласиран тим од Групата Б ги продолжува мечевите од втората фаза односно лигата за титула каде ќе бидат најдобрите три екипи од двете групи. На гостувањето во Тетово забележаа лесна и убедлива победа од 3:0 во сетови со која и го честитаа роденденот на својата соиграчка Светлана Иванова. Ова е втора година по ред како најмладиот женски струмички прволигаш ќе бидат во врвот на македонската женска одбојка која ова сезона брои 14 екипи.
Инаку по шест одиграни кола девојките на Атанас Милев и Вера Божијанова Димитриевска на своето конто во првата фаза имаат 4 победи и два пораза и со вкупно 13 бода се веднаш зад ,,Јанта Волеј Кисела вода’’ и ,,Работнички Скопје’’ со кои ќе патуваат од ова група, за втората првенствена полусезона каде ги пренесуваат бодовите.
Во новата лига која ќе бори 6 екипи ќе се игра по двокружен бод систем, дома гости – десет меча. По завршувањето на сите 10 коло 4 те најдобри тима ќе разигруваат за титула додека 5 и 6 пласираниот тим го завршуваат првенството.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
