Покрај постоечкиот правен субјект ЈОУДГ ,,Детска радост’’, Советот на Општина Струмица на последната седница донесе одлука да се формира уште една Јавна општинска установа за деца – Детска градинка ,, Виножито’’ која ќе управува со новата детска градинка во кругот на поранешната струмичка касарна. Градинката е целосно опремена и ќе има капацитет од 300 дечиња. Станува збор за нова градинка градeнa според сите современи стандарди и располага со околу 17 тина занимални.
Основањето на Јавната установа –детски градинки ,,Виножито’’на седницата на Советот ја образложија заради ефикасно управување со сите градинки во општината бидејки ќе се зголеми обемот на деца што ќе се згрижуваат а ќе се прошири и обемот на работа.
Министерката за труд и социјална политика Јована Тренчевска при последната посета во Струмица соопшти дека новата детска градинка во кругот на поранешната струмичка касарна се очекува да биде ставена во функција со почетокот на новата учебна година.
ЈОУГД ,,Детска радост’’ Струмица располага со 7 клонови како во градот така и во населените места Муртино и Куклиш. Според информациите таму се згрижени околу 750 деца од предучилишна возраст
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
