На 13-ти и 14-ти мај (сабота и недела) во Струмица ќе се одржат танц натпревари на кој учество ќе земаат над 2000 танчери од земјата и странство. Како што информираа од ,,One Way Dance Studio“ од Струмица на 13-ти Мај во Спортската сала „Парк“ ќе се одржи Државното првенство во Модерни танци на Македонија, на кое најдобрите ќе се квалификуваат и ќе ја претставуваат Македонија на претстојното Европско и Светско првенство.
Веднаш по прогласувањето на победниците, Клаудиа Ларучиа, кореограф од Италија ќе одржи свој семинар и ќе биде отворен за сите танчери а по завршувањето на семинарот од 20:30 часот на плоштадот „Гоце Делчев“ ќе се одржат танц битки во три категории и тоа хип хоп, различни стилови и двојки кои ќе пренесат преку танц своја приказна.
На 14-ти мај повторно во Спортската сала „Парк“ ќе се случува интернационалниот натпревар „Artist Hub Dance Competition“, каде што учество ќе земаат танчери од Македонија, Србија, Бугарија и Грција, а најдобрите 20 кореографии ќе обезбедат пласман во Гала вечерта која што ќе се случува од 19:00 часот во Спортската сала „Парк“.
Покрај натпреварувачкиот дел исто така на 14-ти Мај ни гостува Рикардо Кампос Фреире,кореограф од Португалија кој што ќе одржи контемпорери семинар во Домот на Арм во Струмица. Ни претстои еден неверојатен викенд, со над 5000 посетители од земјата и странство.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
