Догодина општина Струмица планира да обезбеди и потроши 20 милиони евра. Толку изнесува Буџетот за 2020 тата година, од кои, општината планира да добие и потроши околу 13 милиони евра од државата но и од домашни и странски фондови како дотации и донации а околу 7 милиони се проектирани да се обезбедат од сопствените извори. Според градоначалникот Коста Јаневски, Буџетот на Струмица за идната година е развоен, реално остварлив, насочен кон подобра инфраструкутра и повеќе содржини за луѓето и го задружува фокусот на клучните приоритети на граѓаните.
,,Во наредната 2020 година, нашата општина ќе биде почиста, посветла, поуредена, поразвиена, поорганизирана, поинкулизвна, ќе се реалзиираат многу капитални проекти,, рече градоначалникот Јаневски во изјава за медиумите по донесување на Буџетот кој за 2 милиони ќе биде ,,потежок’’ од годинашниов
Според него капиталните проекти ќе се реализираат со општински средства, дел во соработка со Владата кои дополнително ќе бидат објавени а други ќе бидат од донатори финансирани од ЕУ. Тој после донесувањето на Буџетот наброи неколку капитални проекти
,,Булевер ,,Св Илијски порој’’ или Урбан мост, Уредување на поројот Крушевска република, Проширување на градскиот парк кон АТШ Берово, Градска галерија, Изградба на нова детска градинка, Уредување на просторот околу манастирот ,,Св Леонтиј’’ во Водоча, Нови спортски терени, Уредување на детските игралишта, Изградба на велосипедско игралиште или Памтрак,, потенцираше Јаневски кој истакна дека од предложениот Буџет средства се планирани и за нова урбана опрема, улично осветлување, тротоари, улици, проширување на гасоводната мрежа
Во Буџетот се планирани и над 30 инфраструктурни проекти по населените места во општина Струмица за кои месните заедници ги предложиле како приоритетни. Јаневски посочи дека и догодина ќе бидат задржани постоечките општински услуги како бесплатни униформи за првооделенците, здрава храна за за здрави навики на основците, обезбедување на дефектолози, превоз и асистенти на лицата со попреченост а од следната ќе има и нега за стари лица.
Советниците од ВМРО ДПМНЕ и нивните коалициони партнери за Буџетот гласаа воздржано и истакнаа дека по трет пат во Буџетот на Струмица ги нема главните ветувања на градоначалникот и дека денешната седница поминала во знак на големо разочарување на граѓаните на Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
