Жртвите од семејно насилство во Струмица добија куќа за отворено домување каде ќе се ресоцијализираат и реинтегрираат во заедницата. Станува збор за простории кои општината ги додели на граѓанскито сектор кој работи на оваа проблематика. Во објектот ќе биде сместени и Фондацијата Елеуса и Куќата за отворено домување за жртви на семејно насилство со која ќе управува здружението Скај Плус
,, Во објектот се сместени канцелариите на Фондацијата како и магацинскиот простор за подготовка на хуманитарни пакети и други потреби за социјално загрозените семејства и поединци. Дополнително, преку објектот ќе се имплементира сервис од Програмата за рехабилитација и реинтеграција на жените жртви на семејно насилство, преку „Куќа на половина пат“. Реконструкцијата е компленто извршена со буџетски средства на Општина Струмица, откако мојот предлог беше едногласно прифатен од Советот на општина Струмица,, напиша градоначалникот на Струмица Костадин Костадинов
Во Куќата за отворено домување која наредниот период ќе се адаптира ќе може да бидат сместени три семејства. Таму ќе престојуваат 6 месеци до 24 месеци и ќе добиваат помош со цел економско зајакнување
„ Овие простории се од клучна важност кога станува збор за реинтегративниот и ресоцијалниот процес на жртвите од семејно насилство. ‘Куќата за отворено домовување’ значи дека тука ќе се згрижуваат жртвите од семејно насилство и нивните деца кои излегуваат од шелтер-центарот. Според програмата ќе сместуваме жени и деца, кои низ годините биле жртви на семејно насилство, но безбедносниот процес е завршен и на жртвите не им се заканува повторно насилство и тоа значи дека ние подаваме рака жените и децата да не завршат на улица, како бездомници“, изјави Стојне Митева од Здружението „Скај Плус“ од Струмица.
Во Струмица постои шелтер центар. Годишно таму престојуваат по околу 30 тина лица кои се жртви на семејно насилство.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
