Вечерва беше отворена градската уметничка галерија лоцирана во дел од скривницата на плоштадот која порано се користеше за регистрација на бракови. Станува збор запростор од околу 320 метри квадратни со изложбен прстор,депо за слики, дневно депо, канцеларија, бифе и простор за седење, санитарни јазли, а ќе биде и место и каде што ќе може да се организираат приеми, промоции и слични настани
По повод отворањето беше поставена изложба „Сто години струмичка ликовна уметност“ од дела од ликовни уметници од Струмица. Првиот човек на општина Струмица Коста Јаневски објави дека покрај делата од струмичките ликовни творци, во градската уметничка галерија ќе најдат и дела од богатата ризница на Меѓународната струмичка ликовна колонија но и дека може да послужи и за организирање на повеќе настани.
,,Оваа Уметничка галерија отвора многу можности и за разни други изложби, работилници, предавања, промоции и други ликовни и културни содржини, како од локален и регионален, така и од национален и меѓународен карактер. Со тоа, богатата културна лепеза на нашиов град ќе ја зацврсти Струмица уште повеќе на мапата на најголемите македонски културни центри,, напиша Јаневски на својата ФБ страна кој подвлече дека Струмица останува „град на ликовната уметност“.
Реализацијата на проектот „Пренамена и адаптација на деловен простор во Уметничка галерија“ стартуваше во септември минатата година при што беа ангажирани две градежни фирми едната за пренамена и адпатација на просторот а втората за изградба на настрешница. Парите од околу 200 илјади евра беа обезбедни од Министерството за култура но и од Буџетот на општина Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
