Општина Струмица денеска постави два пласиткомати каде граѓаните ќе можат да депонираат пластични шишиња а за возврат ќе добиваат средства преку посебна апликација. Истите се поставени во ТЦ Глобал и СОУ Јане Сандански кои допрва треба да почнат да функционираат. Како што соопшти градоначалникот на Струмица Костадин Костадинов во градот ќе бидат поставени вкупно 3 пластикомати за кои Општината распиша Јавна набавка а фирмата Пакомак која ја доби, ќе постави дополнителни три кај струмички маркети.
Станува збор за урбана опрема која има софтверско решение при што граѓаните кои ќе депонираат пластично шише кое се рециклира преку соодветна апликација ќе добива половина денар за секое депонирано шише. На тој начин ќе се овозможи намалување на пластиката во комуналниот отпад на локации каде има поголема фрекфенција а од друга страна ќе се подигне и свеста за намалување на пластичниот отпад кој има употреблива вредност.
Во наредниот период се очекува да бидат поставени сите пластикомати. За набавката на овие пластикомати Општината издвои околу 830 илјади денари со ДДВ а целта е потикнување на селекцијата на отпадот за почиста Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
