По повод празникот на Струмица ,,Св 15 Тивериополски Свештеномаченици’’ Советот одржа свечана седница на која беа доделни годишните општински признанија на личности и институции кои оставиле печат во ова 2019 година. Највисокото признание, Наградата за животно дело отиде кај естрадниот уметник Перо Христов кој ова година одбележа 50 години музички естрада а со своите настапи ја шири музиката насекаде промовирајки ја општина Струмица
Годишни општински награди добија Томе Ефтимов, млад научник, постдокторски истражувач на Универзитетот „Стенфорд“ во Калифорнија- САД, НУЦК „Антон Панов“ која годинава го одбележува јубилеј -70 години постоење на Народниот театар, ОМУ „Боро Џони“, крводирателот Симеон Николов кој дури 160 пати дарувал крв, на Здружението за помош и поддршка на лица со Даунов синдром „Вера“, на Светлана Маџункова Триводалиева за особен придонес во областа на медицината, на Ристо Тасев за особен придонес во областа на новинарството и на Ице Биличев за особен придонес во областа на книжевноста.
Наградите им ги врачи градоначалникот на Струмица Коста Јаневски кој подвлече дека треба да сепочитуваат заштитниците и Струмица треба да се сака со дела и со добри намери оти само така ќе се родат добри дела
,,Честувајќи ги ликовите и делата на Светите петнаесет тивериополски свештеномаченици и гледајќи ги работите од денешна временска рамка, станува нужно доследно да ги ползуваме вредностите кои ни се оставени во наследство.
За градот во кој живееме секогаш треба да имаме добри намери и да бидеме упорни истите да изродат добри дела. И треба да знаеме дека Струмица на љубовта ќе ни возврати со љубов, на добрината ќе ни врати со добрина’’, рече градоначалникот Јаневски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
