Блесна Новогодишната елка во центарот на Струмица висока 20 метри. Блесна и тунелот, светлечкото небо, светлосните дрвца, украсените грмушки, канделбари кои на плоштадот и центарот на градот му даваат посебна магија. Голем број дечиња присуствуваа на плоштадот на чинот на осветлувањето на Новогодишната елка како и на целиот амбиент со сите светлосни елементи.
,,Започна Новогодишната магија во Струмица каква што Македонија нема видено бидејки опфатот на украсени улици и поставени реквизити е доста обемен. Еден од заштитените знаци е Новогодишната елка висока над 20 метри но мене посебно впечаток ми остави ангелот на кружниот тек кај соборниот храм што се гради висок 3,5 метри. Ова се времиња на радост, времиња на смеа и посакувам цела Струмица и цела Македонија да дојде во Струмица и да ја почуствуваат новогдишнат магија“,кажа градоначалникот Костадин Костадинов
Како што објави досега Дрнка.МК, Новогодишното украсување на Струмица чини 137 илјади евра. Договорот го доби скопската фирма Линка Медија плус. Според договорот во Струмица треба да бидат украсени вкупно 16 позиции при што треба да бидат поставени пет Новогодишни елки од од кои две би требало да бидат столбести а низ градот ќе има над 500 светлосни елементи и околу половина километар светлечко небо. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
