За половина година треба да заврши првата фаза од проектот за ,,Реконструкција со пренамена на Стоковната куќа во мултифункционален и културен центар со музејска поставка на град Радовиш“. Станува збор за објект во центарот на градот кој со децении се распаѓаше а Општината успеа да го добие во своја надлежност и го става во функција на радовишани за одржување на културни и образовни настани.
,, Овој проект за радовишни значи многу бидејки во овој објект ќе се одржуваат сите настани. Радовиш немаше ваков центар каде граѓаните ке ги остваруваат своите потреби во делот на едукацијата, образовнието, културата, информациите . Многу содржини се планирани овде. Ќе биде отворен за сите лица од 6 до 66 години. Овој објкет ќе биде самоодржлив. Во ова прилика сакам да изгразам благодарност и до Бучим за помошта за изработка на проектот“, кажа градоначалникот Ацо Ристов
Проектот ќе го изведува Друштвото за градежништво ,,Битем“ од Скопје кои со фирмата што го гради градскиот пазар ,,Карпош“ учествуваа на распишаната јавна набавка. Но фирмата „Битем“ пондија пониска цена и го добија тендерот за првата фаза во висина од 947 илјади евра. Стручниот надзор на работите ќе го има фирмата ,,Бар Е.Ц.Е“ од Скопје која во конкуренција на 10 фирми ја доби јавната набавка за 24 илјади евра на Општина Радовиш
На денешниот старт на градежните работи присустуваше и премиерот Христијан Мицкоски заедно со министерот за локална самоуправа Златко Перински и минитерот за култура и туризам Зоран Љутков. Освен Стоковната која почна да се работи тие го посетија и Домот на културата кој ќе се реновира.
Реализацијата на првата фаза од проектот за Реконструкција на стоковната и негова пренамена во мултифункционален центар е проект кој ќе се финансира од унгарскиот кредит од кој општина Радовиш во вториот повик аплицираше со други 5 проекти. ( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
