Стефанија Јованова ученичка од четврта година при ДСУ РСЦОО ,,Никола Карев“ од Струмица но и деветоодделенката Зорица Чапанова при ООУ ,,Видое Подгорец“од Струмица победија на Конкурсот за најдобра скица за матурски фустан организиран од брендот ЕЛЕНА ЛУКА. Станува збор за конкурс кој имаше за цел да ја потикне креативноста кај матурантите и полуматурантите од Струмица и регионот за моден дизајн и изработка на скици со креации за свечени фустани.
Како што објави порталот fashionel.mk на конкурсот се пријавиле голем број ученици а 26 биле повикани да го изразат својот талент и да нацртат скица за матурски фустан, кој доколку победи ќе биде преточен во конкретно дело, односно тимот на Елена Лука да го изработи. Двете ученички како што пренесува порталот покажале голем талент, креативност и уметничка визија и тимот на Елена Лука во нив веќе гледа огромен моден потенцијал
На конкурсот за најдобро изработена скица за матурски фустан, Стефан Арламов од 9 – то одделение, Викторија Трајановска и Марија Гроздановска од четврта година, освоија втора награда. Како признание за нивната креативност и труд, тие добиваат еден месец бесплатни часови за цртање во Кончалиев Арт Студио и 30% попуст од Елена Лука. Трето место освоија Мила Танева и Сандра Стојановска, a нивната награда – професионален сет за цртање и 30% попуст од Елена Лука ќе им помогне во понатамошното уметничко изразување.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
