Општина Гевгелија задутре на одбележување на Денот на настава на турски јазик во Скопје и официјално ќе го добие камионот за собирање и транспорт на комуналниот отпад што го најави претседателот на големото турско собрание Мустафа Шентоп кој летово беше во еднодневна посета на Гевгелија . Станува збор за камион марка ,,Форд Карго’’ кој по објавените царински формалности стасал во Гевгелија со носивост од 9.000 метри кубни, а вредноста му е 85.000 евра објави на својата официјална веб страна општина Гевгелија. Со возилото ќе управува ЈП Комуналец во функција на испорачување на поквалитетна услуга за собирање и транспорт на комуналниот отпад
Како што стои во информацијата станува збор за донација од заедницата на турските општини од Анкара а ја најави претседателот на турското собрание Мустафа Шентоп на средбата со градоначалникот на Гевгелија Сашо Поцков на почетокот на јули годинава. Тогаш Шентоп најави донации за подобрување на комунални услуги во три општини во земјава меѓу кои и во Гевгелија, каде како интересна локација за турски инвестиции ја посочи ТИРЗ Прдејци
Инаку првиот човек на големото собрание на Турција – Мустафа Шентоп има македонски корени. На средбата со Поцков кажа дека фамилијата од таткова страна потекнува од Мрзенци, а од мајка му од Богданци, кои се иселиле во 1926 година
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
