До крајот на 2026 година стариот струмички театар кој се гради дури 11 години ќе биде готов и пуштен во употреба. Вака најави министерот за култура и туризам Зоран Љутков кој соопшти дека деновиве ќе биде распишан тендер со двегодишно финансирање за дозавршување на овој објект каде треба да се смести и самостојно да функционира струмичкиот театар.
,, Наследивме многу закочени проекти меѓу кои беше и изградбата на стариот струмички театар. Договорот таму e раскинат спогодбено. Направивме ревидирање на основниот проект да ги видиме сите пропусти, пред Нова година е завршено и за оваа година имаме озбезбедено средства за овој капитален објект и за еден месец ќе се распише тендер за продолжување на изградбата со две годишно финансирање. Нашата тенденција е до крајот на 2026 да биде отворен овој капитален објект“, подвлече министерот Љутков.
Тој не прецизираше колку пари се потрошени и уште колку ќе треба да се заврши струмичкиот театар кој при ставањето на камен темелникот во 2014 тата беше кажано дека ќе чини 3,6 милиони евра. Подвлече дека ова година за почеток се обезбедени 8 милиони денари, но не се исклучува можност со ребаланс на буџетот да се обезбедат дополнителни средства
„ Овој објект е поминат во планот на Владата и овој објект до крајот на 2026 година треба да биде готов. Ние направивме увид на состојбите во Струмица. Таму од страна на струмичкиот Завод и музеј се работи на потпорниот ѕид. За пропустите доколку имало тогаш целата документацијата ќе си оди по соодветните институции“, одговори Љутков запрашан дали некој ќе одговара долгиот период на изградба
Стариот струмички театар почна да се гради во 2014 татаоткако објектот изгоре во пожар во 2001 година. Вкупно 6 министри за култура од ставањето на камен темелникот беа одговорни за неговата изградба. Сите доаѓаа и вршеа увид и ветуваа дека наскоро или до крајот на годината ќе биде готов. Зградата е завршена веќе подолг период но не и внатрешниот дел за да се стави во функција. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
