До крајот на годинава треба да биде сменет кровот на старата болница во Струмица во надлежност на ЈЗУ Здравствен дом. Станува збор кровна конструкција од 633 метри квадратни а работите ги изведува фирмата „Кими Ибра“ од Кичево за 3 милиони и 300 илјади денари со вклучен ДДВ или за околу 53 илјади евра. Ова фирма го доби тендерот откако понуди најниска цена во конкуренција на седум градежни компании по распишаната Јавна набавка. Паралелно кичевската фирма го доби и тендерот за бетонирање на дворната површина во висина од 33 илјади евра, за која работа на распишната јавна набавка на Здравствен дом Струмица се јавија дури 11 фирми, но кичевската понуди најниска цена.
,,Па очекуваме до крајот на годината да се финишираат работите на терен и значително да се подобрат условите за работа како и пристапот на пациентите до болницата со оглед дека дворното место беше со многу дупки. Паралелно се работи и на реновирање на простории и тоалети за потребите на службите но она што е во интерес на граѓаните е што набавивме и ново санитетско возило ,, ни изјави Александар Молчанов директор на Здравствен Дом Струмица
За потребите на службата за итна помош, Здравствен дом набави ново санитетско возило со опрема. Возилото од марката Renault Trafic Ambulance е набавено од Аутомотив груп Скопје за 76 илјади евра а од медицинска опрема поседува инсталација на кислород со систем за кислородна поддршка, автоматска носилка, дефибрилатор бифазен кој е пренослив, преносен аспиратор, имобилизатори, каридолошка столица како и друга опрема потребна за брза помош и транспорт на пациенти.
Пратеникот од ЗНАМ од Струмица Миле Цеков деновиве ја посети старата болница во Струмица и најави дека работи на обезбедување средства за реконструкција на фасадата која исто така е во лоша состојба
„Во контактот што го остварив со повеќе амбасади, побарав поддршка за реконструкција на фасадата на цела установа. Има позитивни сигнали за донирање средства за таа намена. Проекциите се во март да отпочне реконструкција на фасадата и веќе наесен овој објект да добие сосема нов лик. Упатувам поддршка до новиот менаџмент во ЈЗУ „Здравствен дом“ Струмица кој успеа да набави ново амбулантно возило, да отпочне реконстуркција на кровот, на дел од внатрешните простории, како и дворното место на ова установа“ – кажа пратеникот Цеков
Со новото возило Службата за Итна медицинска помош во Струмица располага со пет амбулантни возила и две возила за домашна посета.( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
