Градоначалникот на општина Василево Славе Андонов, заедно со претседателот на општинскиот Совет, Ристо Делијанов го ставија во употреба повеќенаменското игралиште во Висока Маала кое се наоѓа веднаш до училиштето на влезот од населеното место.
„Висока Маала беше населено место без ниту еден спортски објект. Но моето ветување е веќе реалност. Висока Маала доби повеќенаменско игралиште. Многу генерации ученици од Висока Маала ќе имаат спомени од детството и училишните денови на оваа игралиште. Висока Маала доби ново квалитетно место за рекреирање“, објави градоначалникот Славе Андонов кој најави завршување на реконструкцијата на повеќенаменското игралишта во Радичево и во Владевци.
Изградбата на игралиштето во Висока Маала опфати асфалтирање на површина од 574 м2 негово оградување со висока метална ограда, поставување на кошеви и стативи, како и клупи за седење. Игралиштето е осветлено со лед рефлектори.
Средствата за овој проект се во износ од 3 832 074 денари и истите се обезбедени од општинската каса.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
