Александра Јанева деновиве на социјалните мрежи го промовираше својот нов сингл ,, Срце отвори,, со видео запис за кој вели дека е музички продукт за сите кои се отворени за нови предизивици, љубов, пријатели и авантури или луѓе кои не се плашат од озборување. Станува збор за песна стара две годии и заедно со авторите Панче Касапски и Иле Спасев одлучиле да ја ,,освежат’’ со покомерцијален звук. Текстот е на Огнен Неделковски а режисер на видеото што го снимаше Ѓорги Вацев е Пеце Здравковски
,,Во приказната може да се пронајде секој кој го живее животот отворен за нови предизвици, љубов, пријатели, авантури. Во нашето општество секој е мета на озборување. Особено кружат приказни за оние кои се природни и искрени. Со „Срце отвори“ се обраќам на сите кои имаат свое јас и не се плашат да го живеат својот филм. Љубовта, тагата и болката се емоции кои секој од нас ги доживува и ништо од тоа не е страшно ако ни се случи и го покажеме,, вели Јанева за Дрнка.МК
Александра Јанева вели дека изминатиов период интензивно работеле на нејзиниот деби албум кој е во подготовка и смета дека ова година ќе биде година на музиката на нејзиното срце.
,,Во текот на годината публиката ќе има можност да ги слушне приказните кои се автобиографски и дел од нив се мои авторски. Кон крајот на месец март ќе биде промовиран синглот „Одговор“ со видео-запис,, вели Јанева која со нејзиниот бенд 2 BE прават одлични акустични журки, имајки го во предвид репертоарот што го свират со најголемите македонски хитови
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
