Српската поп и рок група ,,Амадеус Бенд” во сабота ќе одржи мега есенски концерт во Гевгелија во ноќниот клуб ,,Де Факто” со што овој клуб ќе ја продолжи традицијата на незаборавни музички забави во интерес на сите посетители. Од клубот информираат дека гостувањето на ,, Амадеус Бенд” е по барање на гостите кои сакаат незаборавни мигови во прекрасниот амбиент на ,,Де Факто”. Инаку Амадеус добропознат бенд на македонско тло, пред се поради одличните забави. Во својот репертоар, членовите на бендот често знаат да внесат и поп и фолк македонски песни кои дополнително им даваат шмек на концертите и настапите пред македонската публика
Бендот Амадеус, познат по хитовите “Моја земја”, “Ти си та”, “Лажу те”, “100 посто”, “Није свеједно” на своите концерти често знае да интерпретира песни и од останатите српски поп и фолк пејачи кои се хитови но кога се во Македонија знаат да ги запеат и “Македонско девојче”, “Едно име имаме”, “Туѓа си бескрајно”, “Розо моја” ,,Жал”
,, Во сабота во Гевгелија ќе има одлична забава, тоа го гарантираме бидејки македонската публика знае да не мотивира за да дадеме максимум на сцена,, кусо одговорија од ,,Амадеус Бенд” и упатија покана до сите нивни фанови и лубители на добра музика да бидат дел од мега есенскиот концерт во ,,Де Факто” во Гевгелија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
