Девет ученици од СОУ „Никола Карев“ од Струмица, од текстилно – кожарската струка, заедно со професорка и ментор Милица Поповска, стекнуваа нови искуства и знаења од секторот текстилно инженерство во Атина Грција во рамките на програмата Еразмус + . Таму беа во посета на средни училишта каде е застапена текстилната струка, универзитетите од областа на тесктилот и дизајнот а посетија и повеќе текстилни фабрики за произвдоство на природни матријали и конци
,,Учениците имаа можност да се запознаат со многу новости и практики кои ќе им бидат од голема корист за во иднина, а и истите ќе ги споделат со своите соученици. Во однос на теоријата, нашите ученици покажаа многу посолидни знаења од областа на текстилот и дизајнот, но оваа посета им овозможи да добијат и да ги прошират своите практични знаења, бидејќи теоријата и праксата мора да бидат во одреден реципроцитет,, информираше директорот на СОУ Никола Карев Драго Јанков
Станува збор за 14-дневен проект ,,Зајакнување на стручна обука во секторот текстилно инженерство “ од Еразмус + програмата со цел младите да разменат знаења и вештини но и да ги запознаат културите на двата народа бидејки во рамките на проектот струмичките средношколци посетија повеќе културно историски споменици во Атина Грција
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
