Средношколците од Општина Конче сеуште немаат превоз до училиштето Коста Сусинов во Радовиш иако институциите минатата недела најавија дека проблемот го решиле. Вкупно 66 ученика од ова општина втора недела не посетуваат настава во Радовиш со оглед на немање превоз од населените места од ова општина до Радовиш. Од Сојузот на средношколци укажуваат дека се крши Законот за средно образование во кој е наведено дека во јавно средно училиште мора да има бесплатен превозн.
„Превозот до училиштетото е право на секој ученик, а не привилегија дарувана од институциите. Истиот не е знак на нивна добра волја, туку должност кон граѓаните и средношколците“, нагласуваат од Сојузот.
Од општина Конче соопштија дека ги завршиле админстративните работи од нивна страна. Советот ја утврдил линијата за превоз на ученици до Радовиш за да фирмите добијат лиценци при што ги зголемиле и цените кои не биле корегирани 13 години.
Од СОУ Коста Сусинов Радовиш соопштија дека вчера биле повикани сите пет превозници да ги потпишат договорите. Но тие со образложение дека актуелните цени се нерантабилни за нив одбиле да ги поптишат договорите за превоз.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
