Во рамките на проектот ,,Јутјуберска платформа за медиумска реформа’’ средношколци од СОУ ,, Димитар Влахов’’ од Струмица се едуцираа на кои сегменти да внимаваат за да откријат дали вестите кои им се пласираат по медиумите се според професионалните стандарди. Ученици од трета и четврта година присуствува на работилниците што ги реализираше здружението Скај плус во соработка со новинари на ТВ Канал Вис за подигнување на медиумската писменост и како младите да се заштитат од манипулативните содржини.
На работилниците преку практични примери се детектираа ,,пропустите’’ на одделни новинарските текстови и како самите тие да реагираат од ширењето на вести кои можат да направат последици по заедницата доколку истите не се поткрепени со одредени факти и аргументи. Паралелно учениците одговараа на анкетите за слобода на говор и изразување и како тие ги разбираат и познаваат своите права.
Работилниците со струмичките средношколци е дел од проектот ,,Јутјуберска платформа за медиумска реформа ‘’ кој е финансиран од вториот циклус на мали грантови ,,Критинк’’ финансиран од ЕУ а го спроведува фонацијата ,,Метаморфозис’’ со Центарот за европски стратегии ,,Еуротинк’’.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
