Средношколките од Јане Сандански Струмица кои се Државни прваци на Македонија во ова конкуренција, со победа го стартуваа Европското првенство во одбојка за средни училишта кое стартуваше во Требиње Република Српска. Инаку на ова Европско првенство во Требиње пријавени се вкупно 8 екипи во женска конкуренција од повеќе европски држави кои се поделени во две групи а струмичанки се во Групата Б каде пред нивниот налет за висок пласман потклекнаа домакинките.
Во рамките на првиот натпреварувачки ден одбојкарките од Струмица предводени од професорот Гоце Кончалиев, славеа против чешкиот преставник – средношколската екипа на Оломуц од Хејчин со 2:0 (25:18, 25:23). Со ова победа широко ги отвораат вратите за првата позиција во групата каде се и екипите на со црногорската гимназијата „Слободан Шкерович“ од Подгорица и на крајот со домашната „Светозар Чоровиќ“ од Љубиње.
За разлика од девојките машката екипа на СОУ Јане Сандански испушти победа против екипата на СЦ Јован Цвијиќ од Модрича-БИХ, бидејќи по одличниот втор сет во третиот сета до самиот финиш имаа водство и предност од неколку поени, но во завршницата на сетот со неколку грешки на сервисот и во играта дозволија противникот да го освои сетот на разлика со 25:23 и да слави победа со 2:1 (25:13 20:25,25:23). Во вториот натпревар против многу добрата екипа на Пожаревачка гимназија која инаку се минатогодишни светски средношколски шампион, Струмичките гимназијалци претрпеа пораз од 2:0 (25:18, 25:16).
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
