Попладнево струмичките пожарникари спречија опожарување на викендиците кои се околу брана Водоча откако избувна пожар на сува трева и нискостеблеста шума. Тие со три возила и седум пожарникари успеале да го локализираат и ликвидираат пожарот кој опфати поголема површина со сува трева.
,,Денес, (недела) 01.09.2024 година, во 15.45 часот ТППЕ Струмица со 3 ПП возила и 7 пожарникари-спасители кај браната Водоча интервенираше на гаснење на запалена сува трева и нискостеблеста шума. Благодарение на брзата интервенција пожарот е целосно локализиран и ликвидиран и е спречено опожарување на околните викендици,, стои во известувањето на ТППЕ Струмица на својата ФБ страна
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
