Агенцијата за млади и спорт го објави списокот со ваучерите за спортските клубови за ова 2020 година како можност за добивање средства од фирмите, кои место за данок ќе ги пренасочат за спорт. Станува збор за околу 10 милиони евра со кои државата ќе ги помага спортските федерации и клубови преку Законот за ослободување од данокот на добивка, пари кои ќе се слеат за развој на македонскиот репрезентативен, екипен и индивидуален спрот.
Според објавениот список, ФК Академија Пандев од Струмица доби ваучер од 9,8 милиони денари, ФК Кожуф од Гевгелија 2,4 милиони, ФК Беласица од Струмица 1,9 а ФК Плачковица од Радовиш доби ваучер од 1,2 милиони денари. Не изостанаа и женските фудбалски клубови. ЖФК Тиверија доби 1,5, Истатов од Дојран 900 илјади а женксиот фудбалски клуб Плачковица од Радовиш 520 илјади денари а ваучер има и за валандовскиот клуб во мал фудбал.
Ваучери добија и ракометните клубови. Суперлигашот Радовиш доби 3,9 милиони денари, прволигашите, Младост од Богданци милион, Астраион од Струмица 850 илјади, Партизан од Гевгелија 800 додека гевгелискиот женски ракометен клуб 900 илјади денари.
Преку ова мерка на државата, пари преку ваучер системот може да добијат и ОК Џио од Струмица и тоа во висина од 4 милиони, Наковски волеј 1,6 милиони, Виктори 1,4 а Македонија Макс милион денари. Од распределбата на ваучерите, кошаркарите на Кожув добија ваучер од 8,9 милиони денари а се предвидени средства и за останати спортски клубови во индивидуален спорт.
На овој ЛИНК може да се види кој колку добива од распределбата на ваучерите од Агенцијата за млади и спорт
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
