На иницијатива на Атлетскиот клуб „ 7-ми Ноември“ од Гевгелија а во рамки на ,,Програмата за развој на заедницата“ поддржана од УСАИД а имплементирана од Мрежата за рурален развој и ЛАГ ,,Бојмија“, викендов се пошумуваше на спортско рекреативниот центар и парк „Динќут“ кај Гевгелија.
Во акцијата освен атлетичарите од клубот и членовите на Бојмија се вклучија и членовина ЗПСК „Кожуф“ и ЈПКД „Комуналец“. Беа засадени околу 60 тина големи садници – стари по околу 5 години од сортата ,,pinus pinea“ со цел да се даде нов инпут на локациите каде немаше или беа исушени дрвцата и недостасува зеленило.
,, Викендов активистите и членовите на повеќе спортски здруженија учествуваа во заедничката акција за пошумување, а претходно беа реализирани низа други активности кои придонесуваат во заштита на паркот од разни временски непогоди, но и од градежни активности кои се во непосредна близина на паркот. Здружението „ЛАГ Бојмија“ ги подржува сите иницијативи кои произлегуваат од локалната заедница, а кои обезбедуваат сопствено учество и придонесуваат во одржливиот развој на руралните средини“, не информираа Ристо Атансовски од „Бојмија“ и Игор Коцевски, претседател на Атлетски клуб „7-ми Ноември“.
Претходно на „Динќут“ кое е познато рекреативно место за гевгеличани, каде има рекреативни патеки, детско игралиште, фитенс зона, амфитеатар и други содржини беа засдени 100 тина други садници. Во наредниот период се планира да се инсталира и систем за наводнување на овој локалитет. Во рамките на програмата за развој на заедницата се уредуваше и паркингот .
Инаку Програмата за развој на заедницата се фокусира на вклучување на приватниот сектор и поддршка во обезбедувањето на финансии на локално/регионално ниво, поврзување на различни извори на финансирање и поддршка во градење на капацитети на сите засегнати страни. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
