Викендов во спортската сала ,,Христо Татарчев“ во општинскиот центар Ново Село, одбојкарките на ЖОК „Ново Село“ и ОК „Медиус Волеј“ од Сандански Бугарија одиграа два пријателски натпревари кои имаа хуман предзнак. Средствата од влезниците ги наменија за поддршка на Кочани каде имаше голема трагедија минатиот месец.
Двата тима покажаа хуманост при што воспоставија и мост на пријателство и соработка. Спортот и хуманоста нека не обединува, порачаа двата клуба чија соработка ќе продолжи и во иднина во интерес на младите и одбојката од двете страни на границата.
Што се однесува до резултатите и двата тима забележаа победи. Медиус Волеј од Сандански Бугарија во саботата славеше со 3:2 додека во вториот меч ЖОК Ново Село со 3:1 во сетови. Двата тима настапија со кадетскиот и пионерскиот состав. Но резултатите за нив како што кажаа беа во втор план отколку градењето мост на пријателство и соработка.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
