По повод годишнината од раѓањето на претседателот Борис Трајковски, во училиштето кое го носи неговото име во родното Моноспитово, беше поставена спомен биста. Станува збор биста изработена од мермер – дело на ликовниот уметник Драги Бусев од Моноспитово а неговата изработка ја финансираа иселениците од ова населено место. По тој повод учениците од ООУ ,, Борис Трајковски “ од Моноспитово изведоа културно уметничка програма а првиот човек на општината кажа дека бистата било барање на жителите од селото за да сведочи за човекот кој си ја сакаше државата.
,,Поставувањето на ова биста беше барање на граѓаните на Моноспитово кое што е родно место на претседателот Борис Трајковски. Ние сме горди што една таква личност кој остави трага во развојот на Македонија беше пример како треба да се сака и почитува државата и секој граѓанин. Се надевам дека неговото дело ќе биде водич за сите политичари и граѓани во земјава,, кажа градоначалникот Ристо Манчев
На откривањето на спомен бистата во дворот на училиштето беше присутен и писателот Киро Донев. Според него ова биста ќе ја зајакне врската со сите жители на Моноспитово кои го познаваа но и за идните генерации.
,,Ликот и делото на Борис Трајковски се овековечени не само во колективната меморија на жителите во селото и Македонија туку и пошироко. Овој чин е само прдонес да се зајакне колективната меморија во селото не само кај тие што го познаваат туку и за генерациите што идат, бидејки Трајковски беше човек со визија за мир и љубов меѓу луѓето во светот,, кажа писателот Донев. (В.Трајков )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
