Дербито од последното есенско коло од Општинската лига на Струмица заврши без победник. Во Куклиш домашната Интер Кукла со Огражден од Ново Село одиграа 1:1. Овој резултат им одеше во прилог на тимот од Градско Балдовци екипата на Спартмани која пак со 5:0 го надигра младиот состав од Радово забележувајки ја шестата победа во општинската лига. Со ваквиот епилог екипата на Спартмани од Градско Балдовци е есенски првак на Општинската лига со вкупно 16 бода колку што има и Интер Кукла но послаба гол разлика
Слога од Злеово пак со 6:2 славеше над Единство од Пиперево. Домаќините со победа го сефтосаа новоименуваното фудбалско игралиште кое од деновиве ќе го носи името на екс фудбалерот Ване Трајанов место досегашното име „Гробље“. Слога од Злеово со новата победа се проби на третата позиција на табелата со вкупно 13 бода.
Екипата на Дрвош ја прекина лошата серија. На свој терен го совлада тимот на Илинден од Добрејци со 2:1 и повтроно се проби во горниот дел на табелата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
