ООУ „Никола Карев“ од Радовиш доби биста на својот патрон – револуционерот и македонски војвода Никола Карев. Станува збор за дело изработено од академскиот вајар Далибор Николовски Дачо, кој заедно со директорот на училиштето Кире Јанковски , градоначалникот на Радовиш Ацо Ристов ја открија бистата на Никола Карев во рамките на одбележување на патрониот празник. На церемонијата за октривање на бистата, ученици го прочитаа Крушевскиот Манифест а имаше и коњаница со илинденци
,, Ние сме наследници на Никола Карев – учител, револуционер, војвода претседател на првата македонска република – Крушевската. Ние ,,каревци“ покрај духовната поврзаност со патронот, сме со желба и копнеж за матријална поткрепа на нашето самоидентификување изразена со поставување на биста со ликот на Никола Карев на која ќе го чествуваме неговото дело,, кажа директорот на училиштето Кире Јанковски
Тој искажа благодарност до сите кои помогнаа да се реализира оваа активност посебно до донаторите на бистата фамилијата Ѓоргиеви, помагателите Општина Радовиш, Ѓуровски, Лаки ММ , ГП Техника, дијаспората од Чикаго, а дел од средствата за оваа активност се обезбедени од буџетот на ООУ Никола Карев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
