Денеска во чест на одбележување на празникот на жената 8-ми Март, Секторот за внатрешни работи Струмица, во соработка со Општина Босилово и Републичкиот совет за безбедност на сообраќајот на патиштата реализираат превентивна активност во рамки на кампањата „Вози одговорно“, која има за цел подигање на свеста за важноста на жените во сообраќајот .
Полициските службеници со делење на симболични подароци и летоци со едукативна содржина сите жени затекнати како управуваат моторни возила ги потсетуваат дека треба да бидат горди што возат безбедно и одговорно, почитувајќи ги сообраќајните правила и прописи и да бидат пример како да се вози.
За тоа дека жените се одговорни возачи потврдуваат и статистичките податоци според кои на подрачје на Струмица во месеците јануари и февруари 2025 година од вкупно санкционирани 1064 возачи, само 77 биле припаднички на женскиот пол.
Превентивните активности покрај кон жени возачи беа насочени и кон жените пешаци, кои како учесници во сообраќајот исто така влијаат за подигнување на безбедноста во сообраќајот на повисоко ниво.
Вакви активности денес се реализирани и на подрачјата на Струмица, Радовиш, Гевгелија и Валандово каде полициските службеници покрај редовното преземање мерки и активности на терен, ќе постапуваат и превентивно, се со цел одбележување на денот на жената 8-ми Март, а на останатите учесници во сообраќајот ќе им биде укажано да ги почитуваат жените како рамноправни учесници во сообраќајот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
