Вкупно 33 младинци од 13 до 17 години од Основните и Средните училишта во Општина Струмица се дел од Акцијата за промоција на хумани вредности (ПХВ) на Општинската организација на Црвен крст Струмица. Тие ќе се фокусираат на три области и сами ќе одлучат каков проект ќе реализираат во интерес на заедницата. Дали ќе имплементираат проект со хуманитарен аспект или од екологијата или пак ќе прават проект со кој ќе помогнат на Дневни центри на ранливи категории граѓани или ќе потикнат интеркултурен дијалог и толеранција, сами одлучуваат.
,, Младите се тие кои што ќе одлучат кој мал проект ќе го имплементираат и како ќе се соберат потребните финансиски средства за реализација. Тоа се мали проекти кои имаат голем придонес во заедницата. Во Црвен крст Струмица има над 40 тина волонтери кои носат насмевки кај останатите“, кажа Елена Георгиевска волонтер
Во промоцијата на хумани вредности (ПХВ) е вклучен и Марко Јовановски. Тој како мини ментор со својот тим ќе работи на проект од екологијата. Сака да направи проект со кои ќе потикне подигнување на еко свеста кај граѓаните, бидејки не сака во Општина Струмица да има отпад на јавни зелени површини.
,,Сакаме да правиме добри дела за заедницата. Преку ПХВ дознаваме дека голем број луѓе имаат проблеми и тука како млади може да помогнеме. Но со мојот тим ќе работиме на екологијата оти се фрла ѓубре насекаде“, вели Јовановски (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
