Намалување на загадувањето и подобрување на квалитетот на воздухот со поддршка на чиста енергија и одржлив транспорт, промоција и примена на обновливи извори на енергија преку инсталација на фотоволтаични системи и паметно управување со енергијата. Ова се дел од очекуваните резултати од проектот „Зелено за добро“ што ќе се имплеменитра во Југоистокот преку Програмата за прекугранична соработка со соседна Грција.
Речиси сите општини од Југоистокот ќе имаат одредена корист од активностите што ќе се реализираат до почетокот на септември идната година. Ова беше посочено на промоцијата на проектот во Струмица од страна на Центарот за развој на Југоисточниот плански регион како лидер партнер во целиот проект кој на македонска страна го имплементира заедно со (ЧИСС) Меѓународна соработка Југ Југ подружница Скопје а на грчка страна партенри се Центар за истражување и технологија Грција и општина Терми.
Со проектот во Југоистокот односно во општините Струмица, Радовиш, Ново Село, Валандово, Дојран и Гевгелија ќе бидат поставени станици за брзо полнење електрични возила, во општините Гевгелија, Радовиш, Босилово и Конче ќе има инсталација на фотоволтаични (PV) системи (40 kW). Потоа во Радовиш ќе има пилот урбана градина а во Гевгелија – Центар за зелено образование, кој ќе служи како центар за обука, работилници за подигање на свеста за одржлив развој, енергетска ефикасност и циркуларна економија
Вкупниот буџет на проектот изнесува 1.345.057 евра од кои за македонската страна односно за ЦРЈПР и ЧИСС, предвидени се околу 670 илјади евра за реализација на предвидените проекни активности во општините од Југоистокот додека останатиот дел е предвидено за парнтерите од Грција.
На промоцијата на проектот кофинансиран од ЕУ и од Националните фондови на земјите учесницчки во програмата, беа присутни дел градоначалниците на општините од Југоистокот но и министерот за локална самоуправа Златко Перински. Еве што кажаа директорот на ЦРЈПР Јован Коцев, преставникот на ЧИСС Горан Бошков и градоначалникот на Струмица Петар Јанков.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
