Во земјава наскоро ќе се воведе електронски систем за пријавување на сезонски работници во земјоделството откако овој проект поддржан од германската влада и НАЛЕД даде одлични резултати во соседна Србија. Станува збор за проект со кој работодавачите ќе ги надминат проблемите при ангажирање на работна сила и сложената администрација која е неопходна со цел сезонската работа да се пренесе од сивата во легалната зона додека пак сеонските работници ќе ја надминат неизвесносат во поглед на условите на работа, исплата на дневници, можни повреди а бидејќи често не се пријавени, земјоделските работи главно се одвиваат без здравствено осигурување и заштита на работа.
Преклу електронскиот систем за пријавување на сезонските работници ќе добијат и работодавачите и сезонските работници и државата. Според податоците со кои располага НАЛЕД за една година во Србија се уплатени повеќе од 300 илјади евра данок и над 900 илјади евра придонеси во буџетот на Република Србија. Системот на електронско пријавување на сезонците овозможи бројни погодности за сите три страни, работниците, работодавачите и државата, преку поттикнување на поефикасно ангажирање на работна сила, понатамошен развој на земјоделството и вкупен економски развој на земјата.
Токму затоа, во соработка со експерти и државните институции, со поддршка на германската Влада која ја спроведува ГИЗ, преку истражување на пазарот, се анализираат можностите за примена на системот во Босна и Херцеговина, Северна Македонија, Црна Гора, Албанија и Косово. Имајќи ја во вид потребата на различните сектори од сезонски работници во целиот регион, решението кое Србија го воведе, може да претставува пример на добра пракса во правец на унапредување на положбата на сезонците и поефикасен систем за нивна евиденција на пазарот на труд, што пак ја олеснува работата на работодавачите и севкупно придонесува за унапредување на стопанскиот амбиент.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
