За многу претпријатија од шесте земји на Западниот Балкан (WB6), извозот претставува еден од начините да го прошират своето работење заради што компаниите често бараат поддршка од матичните стопански комори. Од таа причина Владата на Германија преку ГИЗ и Германското друштво за интернационална соработка го реализира проектот „Зголемување на извозниот потенцијал на малите и средни претпријатија во регионот Западен Балкан 6” во кој спаѓаат и македонксите компании
Стопанските комори на земјите од регионот на Западниот Балкан каде што освен земјава се и Албанија, Босна и Херцеговина, Црна Гора, Косово, и Србија кои се и членки на Коморскиот инвестициски форум на Западен балкан 6 развија две нови услуги за унапредување на извозот кои станаа дел од услугите на овие комори – едната е База на податоци на дистрибутери од регионот и од ЕУ а другата овозможува пристап до алатката за анализа на меѓународниот пазар.
Базата на дистрибутери на локалните компании им дава информации за регионалните и европски дистрибутери, за трговците на големо и мало, увозниците и преработувачите, што во голема мера го олеснува трагањето по потенцијални партнери во регионот и во Европската унија. Стопанските комори сега располагаат со обединети информации кои можат да им понудат на заинтересираните компании да почнат или да ги подобрат своите извозни активности.
Втората услуга овозможува пристап до информации за пет избрани пазари во рамки на Европската унија (Австрија, Белгија, германија, Холандија и Шведска) со помош на алатката Euromonitor International/Passportкоја поставува нов стандард во анализа на глобалниот пазар. Нуди единствен пристап кон деловни податоци во врска со индустриите, земјите и потрошувачите, а исто така ги идентификува и идните трендови.
Двете наведени услуги се развиени и испробани во регионот на Западниот Балкан, во секторот на овошје и зеленчук, што е многу важен сектор за стопанството на сите шест земји. Услугите ќе бидат редовно ажурирани, а може да се креира и посебна верзија за сите други сектори кои се релевентни за поединечните економии на земјите во регионот. Услугите извозно ориентираните мали исредни претпријатија може да ги добијат во Стопанска комора на Македонија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
