„Сојуз на синдикат на земјоделци Струмица“ го реализира проектот „Со подигнување на јавната свест до намалување на ранливоста на струмичкото земјоделство од климатските промени“,финансиски поддржан од Општина Струмица.
Во изминатите скоро два месеци се преземени повеќе активности, а изминатите денови почна и конкретната реализација на проектот, преку повеќе средби и активности за едукација и подигање на свеста на земјоделските производители.
Иако изминатите години доминантни проблеми на земјоделците беа проблемот со пласманот, цената на продажба и неквалитетниот род, сепак во последните неколку години се поизразен и сериозен проблем претставуваат негативните ефекти од климатските промени и појавата на екстремни временски услови кои се карактеризираат со нагли температурни промени.
– Евидентно е дека од година во година во светски рамки се намалува земјоделското производство. И кај нас од година во година имаме се помало замјоделско производство, а со тоа се јавува недостиг на храна и зголемени цени на земјоделските и градинраските производи. Причините за ваквата состојба се повеќе, а една д најважните е промената на климатските фактори. За да се обидеме да ги намалиме последиците од влијанието на климатските фактори земјоделството ќе мора да претрпи промени во начинот на производство. Земјоделецот мора да научи да применува нови технологии во начинот на производство, бидејќи во нашиот регион со претежно растително производство (претежно градинарство), кое секоја промена на температурите и климата носи големо штетни последици и тоа како на приносите, така и на квалитетот, велат од оваа организација.
Додаваат дека климатските промени предизвикуват големи штети на земјоделското кпроизводство и влијаат на руралната егзистенција и сигурноста на храната.
-Особено ранливи на климатските промени се малите земјоделски стопанства и земјоделците од руралните средини, поради нискиот капацитет за адаптација предизвикан од низа фактори меѓу кои ограничена едукација за влијанијата на климатските промени, недостаток на средства за тестирање и демонстрација на адаптивни земјоделски практики, недоволни системи за наводнување во однос на капацитетите и техниките за заштеда на вода, беше потенцирано на одржаните средби во населени места.
Сметаа дека за да сe спречи сето ова, потребни за навремени и сеопфатни мерки кои директно ќе ги таргетираат земјоделците кои ќе го унапредат своето произвдоство, но и ќе го заштитат од негативните климатски промени. Токму една од мерките, која е решение за екстремните температури, е употребата на заштитни мрежи, кои исто така може да се користат и во случаи на врнење на град, како и употребата на т.н „оросници“ кои придонесуваат за зачувување на влагата во воздухот која е неопходна за успешен раст и развој на насадените култури.
-Исто така со овој проект сакаме да влијааме директно на земјоделските производители затоа што во голем број на ситуации тие не се информирани за овие мерки, ниту пак за каков негативен ефект може да имаат климатски промени. Преку серија на работилници и обуки, промотивни материјали и пренесување на позитивни искуства ќе ја оствариме нашата цел а тоа е да ја подигнеме свеста и знаењето кај земјоделците од струмичкиот регион преку преглед на потенцијалните проблеми со кои можат да се соочат во производството, а се резултат на климатските промени, како и квалитетни активности кои може да се применат во наши услови со цел да имаме едуцирани и подготвени земјоделци кои ќе се адаптираат на климатските промени и ќе имаат добро и квалитетно производство, додаваат од Сојуз на синдикат на земјоделци Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
