Јавната општинска установа детска градинка ,,Виножито“ од Струмица доби ВД директор. Со решение на првиот човек на општина Струмица Петар Јанков на ова позиција е поставен Васко Наќев вработен во установата како заменик на досегашната директорка. Наќев во наредните месеци ќе ја води градинката „Виножито“ откако Софија Димитријева доби советнички мандат и заради неспоивост на функциите се повлече.
Веста ни ја потврди и градоначалникот Петар Јанков. Тој подвлече дека Димитријева доставила барање за нејзина смена бидејки на последните локални избори беше избрана за член на Советот на Општина Струмица. Утрово имал состанок со дел од вработените и е донесена одлуката.
Дека не е прв човек на „Виножито“ објави и досегашната директорка Софија Димитријева.
,,Започнавме заедно и продолжуваме, затоа што грижата за децата е наш најголем приоритет! Од нашите сегашни активности зависи иднината на нашето општество. Затоа, Виножито е тоа што е денес! Честитки за новиот ВД Директор на ЈОУДГ Виножито Струмица, Васко Наќев.“, објави Димитријева на ФБ
Васко Наќев е дипломиран професор по предучилишно воспитување. Своевремно тој беше и директор на ООУ ,,Гоце Делчев“ во Босилово. (В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
